من يوم ماسبتيني كلمات أميرة عاطف محمود
اول مرة اكتب كتبت القصيده دي لأمي رحمها الله واسكنها فسيح جناته
بقلمي أميرة عاطف محمود
من يوم ما سبتيني
كله فارقني وراح
ملقتش غير الوجع
دايما مصحيني
هفضل حزينه بجد
لحد ما الاقيكي
من بعد ما روحتي
ملقتش يوم راحتي
امي دي كانت نور
امي سكن وامان
راحت وسابتني
من غير حيطان وبيبان
حياتي من بعدك
حرام اقول دي حياة
حضنك دا كان بيتي
كنتي انتي دوائي
من يومها ونا عايشه
بتعبي وبدائي
تعبي دا مش في الجسد
تعبي دا كان في الروح
تعبي دا يوم ما اتولد
كان يوم ما سبتيني
كان نفسي اقولها بجد
كل نفسي اقول امي
كان نفسي لما ازعل
الاقيكي وتضمي
كنتي انتي عارفاني
عارفه ي امي إني
ضعيفه وبعاني
سبتيني ليه وحدي
ابكي واعيش بالجرح
سبتيني ليه وحدي
كان نفسي اعيش الفرح
دلوقتي افرح بمين
وامي مهيش جنبي
دي هي دي قلبي
وقلبي خلاص اهوه مات
قلبي دا كان ينبض
بيكي وليكي كمان
لاكن خلاص اهوه راح
راح و كأنه ما كان
عارفه ي امي إني
مهما حكيت وبكيت
وجعي دا مش هيقل
غير لما تلقيني
رحمها الله واسكنها فسيح جناته برحمته التي وسعت كل شيء إنه ولي ذلك والقادر عليه وصل اللهم وسلم وبارك على المبعوث رحمة للعالمين عليه افضل الصلاة والسلام وعلى آله وصحبه وسلم تسليما كثيرا
ردحذف