أول حفيد للشاعر المبدع محمد علي فرغلي أحمد
سته وعشرين خمسه
سنة الفين وسبعه
والاكيد النهارده عيد
شرفنا أول حفيد
كريم وعلينا كريم
خدتنى أمى بالحضن
ألف مبروك يا محمد
كبرت وبقيت جد
عقبال ما تفرح بالباقين
وتروح يا محمد تحج
يسمع منك ربنا
أفرح بالباقين وأحج
يا أمى شعرى شاب
يا واد قلبك شباب
واللى أنت فيه
يا واد خليك فيه
أوعى الدنيا تلهيك
وتنسيك اللى ليك
وحافظ ع الفروض
أوعاك تقرب ع القروض
أنتى اللى بتقولى يا امايا
ماانتى عارفه الحكايه
يا أمى العيال كبرت
وع الحال كتير صبرت
يا ولدى ضميرك حى
والله ما شفت له زى
قلبك منور ربانى
وفين تلاقيه تانى
يكفيك شر القلوب
غفلانه وشايله ذنوب
وع اللى فيه ما توب
كان معاك كتير
وربك فضله كبير
متزعلش ع اللى راح
واللى غدرك ما يرتاح
وأوعاك تقوله سماح
عهد بينى وبينك
دا أنا اللى شفت
اللى ماشافتوش عينك
أبوك مات وعنك راضى
داإختبار وبكره تشوف
ربك العادل القاضى
وأنا يا ولدى دعيالك
يسترك ويستر عيالك
وأوعاك وأخواتك البنات
ودهم تلقانى هناك
البنات همه أخواتى
البنات همه بناتى
يطول عمرك يا أمايا
هوا أنا عايز وصايه
وفرحتى بأول حفيد
أعيشلهم شمعه تقيد
أعيشلهم شمعه تقيد
*****************
شعر/محمد على فرغلى احمد
مصر اسيوط ابوتيج نزلة باقور
تعليقات
إرسال تعليق