ما ترد يا جدي بقلم الشاعر المبدع محمد علي فرغلي احمد
زمان
قالها جدي
الأرض عرض
وأدي الفرض
إتسلح بالإيمان
عشان يموت الهوان
إفرض لو راح شهيد
خليك عنيد
خليك شديد
كيف الحديد
راح يتولد مليون
وليد
*****
انا جدي
قال موال
كل من عرق جبينك
وماشي الأصيل يزينك
وعامله بالذمه
دي البركه في اللمه
وللوحوش روض
دا الأخ عمره مايتعوض
دا الصبر باب الفرج
صاحب ومالهوش غرض
وأوعاك وصاحب دون
واللقمه قمرها
ع الطل أو ع الكانون
وأوعاك تعيش مديون
********
لف الزمان ودار
وجدي هوه هوه
قاعد في وسط الدار
عافر مع النوه
لكنه صار محتار
تاه منه عنوانه
وسيفه وحصانه
وخدنا في أحضانه
وصدمنا بكلامه
مش هيه أيامه
ومش دا اللي عارفينه
القيضي صار فينو
نفطر ونتعشي
ونروح نتمشي
فرسان لكن هشه
ينصحني ويقوللي
إمشي على كيفك
ماتخافشي من طيفك
ومش مهم رغيفك
ودوس على الذمه
إيه فادت اللمه
أخوك ما هو أخوك
هيقاسمك ف أبوك
خد حقك وإتمرمط
وإن لامك إستعبط
قش الحقوق وأرشي
كوسه على محشي
آه يا جدي!!
آه يا جدي!!
بعد كنت ٠٠وكنا٠٠وكان
بقيت خيال إنسان
*********
الشاعر محمد علي فرغلى احمد
معلم خبير بمدرسة أبوتيج الصناعيه العسكريه بنين
تعليقات
إرسال تعليق