فاقت لمحنة من النعاس بقلم الشاعر المبدع محمد دومو

انقر هنا لبدء الإنشاء ...فاقت لمحنَّة من النعاس!

(خاطرة باللهجة المغربية)


فاقت لمحنَّة من نعاسها فيوم

وبلا شواري هكذا غفلاتني

حسيت براسي كثير مرتاح

تبوريشة دافية فالحين سكنتني

تهدن الخاطر واستراح

ما ينفعني فهاذ الدنيا التايهة 

من غير هاذ الإحساس

زرعوه بلا ما نشعر أهلي وحبابي

فقلبي غلتو مغروسة من زمان 

وصاية ميمتي وبويا لحنين

تربية عليها نترحم عل الولدين

الأصل يعود ال أصلو 

من بعد فراق ليام والسنين

والخو ما يفوت خوه

ولو يهاجر، يتضرݣ ويغيب 

وخا آش يطرى ولا يجرى ليه 

لازم فيوم ما يحن فخوه 

حتى ولو يعذبوه أو يقتلوه

كلام قلبي يتسرد فاللحظة حروف 

حامل وهايج بمواج لمحبة

والصدق العالي ديما صفتو

ما يعرف يكذب ولا يراوغ

هكذا حسيت فلحظة الحزة 

هذا ما كان وعل الله هاذ الشكوى

الله يعفو ويغفر لجميع لحباب

ويمحن كل من كان فهمي سباب

والله يصاوب الحال على ما كان..


-بقلم: محمد دومو

-مراكش/ المغرب

تعليقات

المشاركات الشائعة من هذه المدونة

الخوض في عناقيد الأدب بقلم المبدعة ندا أبو الهيجا

اعترافات الشاعرة المبدعة ندا أبو الهيجا

لمن في دوحة العلياء أضحى بقلم الشاعر المبدع الدكتور زعل طلب الغزالي