فاكر يا زمن بقلم الشاعر المبدع سعيد الشبراوي
كلمات سعيد الشبراوي
فاكر يازمن لما....... كنا
بنرسم ع السما أحلامنا
فاكر يازمن لما ....كنا
بنحلم بيوم تيجى أيامنا
فاكر الضحكة البريئة
والنظرة أم عيون ...جريئة
فاكر لعب....... الحوار ى
وإحنا بنطارد شمس العصارى
كان القلب بينام خالى
والله إشتقنا للأيام..... الخوال
كنا بنعمل م الطين وابور
وفريرة تجرى........ تلف وتدور
فاكر طهى......... الكانون
والكل بيأكل فى.......... ماعون
كانت أوضة بتسع الكل
والكل قلبه على............. الكل
الجار كان أخ................ لجاره
ويخاف على داره زى.... داره
فاكر الساقية والدابة متغمية
والمية تجرى نضيفة مية المية
كانت الصحة.......... حديد
قبل الزمان م يجيب..... جديد
أصل الجديد كله وعيد
والصحة بقت صفيح بدل الحديد
وكمان البال ...........إنشغل
وع الهايفة الفكر........... يشتغل
هجرنا الغيط لجل التلفزيون
وكمان محمول........... وأيفون
تفتكر حالنا ........حيتعدل
دا عمر المعوج م يرجع ....عدل
مفتكرش يعود الزمان
بأيام ضيعناها ......... زمان
تعليقات
إرسال تعليق