بتبكى ليه بقلم الشاعر الغنائي مجدى المنصورى
قلم /مجدى المنصورى
"""""""""""""""""""""""
بتبكى ليه ع اللى فات
ما انتى السبب فى الآهات
انتى اللى دمرتى حياتنا
و محيتى كل الذكريات
كل ليله و كمان يوماتى
شجار بنا يقعد ساعات
و كل مره تمر بسكاتى
أما انتى ممنوع السكات
بتبكى ليه و كمان تشتكى
و دموعك نازله شلالات
و انتى لسه جايه يا دوب؟....
تقولى ماعتش خلاص هاتوب
دا انا ياما شلتك فى نن عينى
و كنت بدوب فيكى دوب
كنت بتْحَمِّل كل الأسيه
ساكت و شايف كل العيوب
بقيت انا و انتى ضحيه
وقلبى انكسر بقى معيوب
بس خلاص كله فات
أصل الشيطان بنا بات
من النهارده طريقنا اختلف
و الحب اللى بنا أيوه مات
تعليقات
إرسال تعليق