مين السبب بقلم الشاعر المبدع مجدى صلاح المنصورى
قلم /مجدى صلاح المنصورى
""""'''''''''''''''''''''''''''''''''''''''''''''''''''''
كلمه بقولها ع الحياد
مين السبب فى الفساد
أخلاق شباب فى انحدار
ان كانت بنت و لا واد
إنفلات فى اخلاق شباب
و الفساد ف شبابنا ساد
يسمع ديـاب يشرب هباب
يلبس لبس أبو الفصاد
شَعر ذى فرو الكلاب
عليه جِل دا ولا سِماد
رتب أموره م الصباح
طالع من بيته معاه سلاح
ناوى يغدر ناوى يخون
و لحظه واحده الدم ساح
جامعى دا ولا بلطجى
ولا خلاص العقل راح
كلمه بقولها ع الحياد
مين السبب فى الفساد
لما الشيطان يكون وسيط
يجى يقول أنا ع الحياد
دخل الحب فى العلام
و الشيطان نشن و صاد
يبدأ بنظره ثم ابتسامه
و يقول حب من غير ميعاد
ولقاءات نهايتها الندامه
من بعدها يَجنو السواد
تعليقات
إرسال تعليق