إكمني وحدانيه للشاعر المبدع صبري رسلان
........................
إكمني وحدانيه
وما ليش في الدنيا حد
بتزيد قساك عليا
وبتنكر بينا ود
شاكيتك لليالي
ولهجرك دنيتي ..
وتدوق من كاس عذابي
وتحس بلوعيتي
أيام ما كنا نحلم وبنستنى النهار
نحضن أشواق قلوبنا
نغزل بغرامنا دار
على ضيه ندفي روحنا
لا عرفنا حروف مرار
لا شكينا دموع ليالي
ولا دوقنا الإنتظار
دايبين فى هوانا وإحنا
تايهين ما العشق نار
أمنت له خدعني فاتني
لحيطان ودار
لا أنا فاكره معاه
فى ذكرى من الصدمه
العقل دار
إزاي يخون وينسى
كان عمري ودنيتي ..
أخلصت له ولكن طعني
في صحبتي ..
أشواك تحصدها شوك
وقلوب قاسيه وأذوك
لك يوم ترتاح يا قلبي
هيدوقوا ما ساقوك
قلبي هيعيش بجرحه
لا يفكر فى اللي راح
ومسير أوجاعه تدبل
وتجف غصون نواح
ده ما يستاهل دموع
وشطبت طريق رجوع
مش حلم ده حقيقه
ألوان غامقه وبريئه
نسجت في خيوط خداعها
نلبس ثوب الوجيعه
بقلم .. صبري رسلان
تعليقات
إرسال تعليق