عصرنا اليوم للشاعر المبدع أبو ماهر الشيزري
شوعاد بدنا من الحياه وشوبنا
عم نفزع من الموت ساعات الرحيل
ما عاد عنا قلوب تتحمل ضنا
ولاعيون عم تفرح بهالعمر الطويل
شاعر أنا وشوقيمة وجودي أنا
مازال صار الشعر تقديرو قليل
ومازال مجد الحق للبطل أنحنا
وصار الأصيل الحر يستعطف دخيل
ومازال صار الكزب مفتاح المنا
وصار الصدق محتاج برهان ودليل
ومازال صار الهدم يشمخ عالبنا
وصار العطش بالنفس يكبر عالسبيل
ومازال صار المحل يكبر عالجنا
وصار الهشيم يعير الورد الجميل
ومازال الحقد أحلا من الهنا
وصار الوفا مع ناكر عهود الوفا
وصار الكرم غنية كفوف البخيل....
(الشاعر.....الشيزري )
تعليقات
إرسال تعليق