صلي عليه للشاعر المبدع مجدي المنصوري
كلمات/ مجدى المنصورى
............................
حبيبك النبى صلى عليه
وصلاتك هاتوصل ليه
صلاتك فى الدنيا حياتك
اللى هاتِحيَاهَا يوم تلاقيه
تلاقيه واقف ع الحوض
وكل اللى صلوا عليه
يسقيهم حبيبنا النبى
شُربة هنيئه بإيديه
ممنوع العطش بعدها
ومن العذاب تحميه
شربه هنيئه مريئه
فى يوم عصيب ترويه
نفسى أشوف النبى
وعينيه تجى فعنيه
وألمس جسم النبى
و أتمسح أنا فيه
و ينادى عليا النبى
ويقولى خايف ليه
اللى عمل خير هناك
هنا هايشفع ليه
ينادى عليه ربنا
ومن حر اليوم ينجيه
و اللى يسيئ للنبى
النار هاتاكل فيه
و يغضب عليه ربنا
و بألوان العذاب يديه
تعليقات
إرسال تعليق