أكثر من حياتي للشاعر المبدع مجدي المنصوري
كلمات /مجدى المنصورى
اكتر من حياتى
هاتخدى تانى ايه
وخطفتى منى قلبى
و انا ها عيش بإيه
الدنيا من غير حنانك
قوليلى تساوى ايه
مهما تأسى عليا
وقلبى مهما تكسريه
الحب اللى بنا
انا بخاف عليه
انتى فاكره الحب ايه
كلام فى الهوا ترميه؟
دا الحب تمنه غالى
محدش يقدر يشتريه
أكتر م الحب هاتخدى ايه
خطفتى قلبى وساكنه فيه
طول عمرى أراضى فيكى
وبكلمه منك بتجرحيه
قولى إزاى أراضيكى
وتعيشى حبى و تصونيه
ولا فين أراضيكى
و المكان اللى تميلى ليه
منتظر منك لمسة حنان
أحس معاك بلحظة أمان
قلبى لحبك وفى وصان
و لا عمره ليكى مره خان
انت وحدك جوه قلبى
مفيش لغيرك فيه مكان
حبك انتى يا حياتى
زادى اللى بعيش عليه
أكتر من حياتى
هاتخدى تانى ايه
خطفتى منى قلبى
وانا ها عيش بإيه
تعليقات
إرسال تعليق