الطيبة تاهت للشاعر المبدع إبراهيم رفعت
بعنوان ( الطيبه تاهت ) ...
الناس خلاص مابقتش ناس
والطيبه تاهت من البشر
بقت الحياه عيشه وخلاص
ولا حد فاهم إيه حصل
لما تكون فرحان سعيد
بتقيد شموع وبتنطفي
وأما تكون مخنوق حزين
الكل فجأه بيختفي
راح فين زمان الطيبين
لما القلوب كان فيها خير
كان القوي بيحمي الضعيف
وإللي معاه يراعي الفقير
شوارعنا كان فيها أمان
وفي موده بين الجيران
كان عندهم أخلاق وذوق
ومايعرفوش ياكلوا الحقوق
كان لما حد بيشتكي
الكل كان يهتم بيه
وإن حد غاب من الصحاب
نسأل ونتطمن عليه
كانت الصحاب جدعان بجد
في الشده كان مايغيبش حد
وفي وقت جرحك قبل فرحك
الكل كان راجل يسد
ياريت تعود بركة زمان
وقلوبنا بالخير تتملي
راعي ضميرك يا إنسان
وإبني وعمّر بلاش تهد
متاألق وفناااااان الشاعرابراهيم
ردحذفشكرا جزيلا لك علي تعليقك الجميل ومرورك الطيب العطر أسعدني كثيرا كل عام وانت بخير وجميع الأهل والأحباب والأصدقاء بصحه وسعاده وراحة بال عيد سعيد عليكم جميعا بإذن الله ������
ردحذف