وسط الزحام للشاعره المبدعة إيمان عبدالله وإلي
كنت ماشي مرة
فى وسط الزحام
بس مكنتش واخد
بالي والحالة مش
تمام
فجأة سمعت صوت
عالي وإرتطام
بصيت لقيتني
عالارض واقع
والكل بيقولي
ألف سلام
بصيت حوليه
لقيت وشوش
مش واضحه
وبتساعدنى
اقوم أوام
واحد مد أيده
وسألنى انت
تمام
لسه جي أشكره
لقيت جنبه صبية
غاية فى الجمال
الوش بدر منور
ساعة إكتمال
وجنبها طفلة
صغيرة تشبها
فى الكمال
بصيت عليها
غصب عني
طلعت حبيبتى
منال
اللي كانت حب
عمري وكان
جوازنا محال
أهلها رفضوا
الجواز عشان
فقير وما عندي
مال
هى عرفتني
ولمحت فى
عيونها كام
سؤال
ليه بعتني ؟
ليه بعدت ؟
ليه قولت ؟
قربنا أصبح
محال
وفلحظه جوزها
قالي مالك انت
تمام
مشيت وسيبته
حتى من غير
ما اشكره أو
أقوله سلام
براجع شريط
ذكرياتي اللي
كان وكان
إزاى اتخليت
عنها أكيد كرهتني
واعتبرتني من
الأندال
سبتها وودعتها
وكانت عيونها
بتبكي ليل ونهار
أنا أستاهل اللي
جرالي بعدها
حالي بقي حال
بس بتمنالها
السعادة
وتسامحني
وأنا عارف
.إنه صعب
وده فى الخيال
شاعرة الزجل
إيمان عبدالله والي
تعليقات
إرسال تعليق