التقل فن للشاعر المبدع جمال ذكي عينر
بتتقل ليه وبتتدلع ؟
ليه بتنسى ليه دايما حالك ؟
ليه تعيش الدور وبتتمنع ؟
ياما كدت بيا عزالك
اتقل يا واد على ناس تانيين
مش ع اللى عارفين افكارك
ده احنا معاك وبقالنا سنين
فاهمينك حافظين أسرارك
على ايه يا واد نافش ريشك ؟
عامل زعيم وعامل قاضي
يا عم روح لقط عيشك
بالونه منفوخه ع الفاضى
التقل فن وله اصحابه
بيخلى محبوبك محتار
ما يعرف شباكه من بابه
وان كان في جنة ولا ف نار
جي انت تتعلم فينا
ده التقل مجالنا وصنعتنا
ماتجيش تلف على المينا
ده البحر ده كله ف حتتنا
بقلمي الشاعر جمال زكي عينر
تعليقات
إرسال تعليق