من انهي اتجاه للمبدع الشاعر وائل محمد علي محمد
........
من انهي اتجاه يذكي عن عافيته وصحته
وياكل عرق الاجير ويستكتر عليه اجرته
اهو ده بقا اللي يامذكي حالك يبكي
يبقا يقابلني في الاخره لو ذكاته نفعته
.........
لاء وقد مقشة البلديه مربي لحيته
وكرشه واسع والقطر يجري في ذمته
يبقا كان لسه بيقول قال الله وقال الرسول
وعينه هتتقلع على طفله قد ركبته
.........
يتاجر باصول الدين كدب وصدق كدبته
غفور رحيم لمصلحلته شديد العقاب في معاملته
حمل وديع يبان وهو من الذئب اشرس
ان كان بالدنيا فاز للاسف خسر اخرته
وعجبي
.........
تحياتي
وائل محمد علي محمد
تعليقات
إرسال تعليق