حبة عصابة للمبدع الشاعر السيد حسن السيد
_______(حبة عصابة)
____$_____
كلها لابسه الوشوش.
وتشوفهم تقول غلابه؟!
حووش عنا يارب حووش.
طلعوا تعابين و دبابه؟؟!!
أحنا كان مالنا و مالهم؟
دى أصولنا غير أصولهم؟؟
دى عيونهم ما بيختشوش..
و اتاريهم حبة عصابة؟؟؟!!!
..كلها لابسه الوشوش و..تشوفهم تقول غلابه؟!
..حووش عنا يارب حووش..طلعوا تعابين و ديابه..
بعد ما مصوا الدم فينا.
بخوا السم ف عينينا!!
واللى فيهم باعوه علينا؟!!
نرجعولهم تانى عيبه؟!
ما كفايا دا احنا استوينا؟!!!
منهم ياما اتأزينا؟!!!!
و لما بيقدروا ما يعفوش؟!
ما تقلشى قاعدين ف غابه؟؟؟!!!!
...كلها لابسه الوشوش و.. تشوفهم تقول غلابه؟؟!
...حووش عنا يارب حووش..طلعوا تعابين و ديابه!!!
ع الأعمى يعدوا ياكلوا عشاه.
ويقولوا رزقه ع اللى عماه!!
دول مش بشر ولا ناس؟
ولا عندهم أحساس؟؟
ياما عاشوا كتير ف بيتنا.
طلعوا وجابوا ف سيرتنا!!
ونراضى فيهم ما بيرضوش؟
وخلوا حياتنا كئابه؟؟؟!!!!؛
... كلها لابسه الوشوش و.. تشوفهم تقول غلابه؟؟؟!
.... حووش عنا يارب حووش.. طلعوا تعابين و ديابه!!!!
بقلم شاعر العامية.
السيد حسن السيد.
2/4/2021
تعليقات
إرسال تعليق