إهمالك فيه للمبدعة الشاعرة إيمان عبدالله علي
نثرت الشوك فى طريقي
وقولتلى خطيه
والورد اللى زرعته
دبل من إهمالك فيه
ليه الحزن فى قلبى دائما
بإيديك انت بترويه
ليه كل بسمة بترسمها
الحزن يشاركنا فيه
طمنى عن احوالك
وقولى اخرتها إيه
العند ده خيالك
وإنت فارس متمكن فيه
قولى إيه غير أحوالك
وطريقك ازاى امشيه
ريحنى بكلمة بحبك
وقلبى تعالى راضيه
قرب من حضنى كمان
عطشان محتاج ترويه
انسي زعلك تعالى
وقلبى صالحه وهنيه
مهو انت اللى زعلته
وده حقه تراعيه
تعالى لقلبى تعالى
مشتاق والله ليك
إيمان عبدالله على
تعليقات
إرسال تعليق