نسيتي نفسك للمبدع الشاعر صبحي مطاوع
**********
نسيتي نفسك
نسيتي أنك شغلتيني
نسيتي أنك
رميتي شباك سحبتيني
نسيتي أنك
جريتي ورايا جبتيني
كلام معسول
وحب مهول بتغريني
وكنتي بتسهري ليلك
وقصداني أشوف ويلك
وتدليلك وتجميلك
بكيتي لجل انا اجيلك
وحاجات كتير وعدتيني
وقدمتي فروض طاعه
طلعتي بجد طماعه
وبان وشك خدعتيني
وعيشتي دور ونواعم
أفعى وجلدها ناعم
جيت جمك لدغتيني
وبان سمك على جبيني
وأنا شايفك ومش عارفك
سعيده أنك قتلتيني
فريده أنتي من نوعك
مريضه بتفردي قلوعك
وتصطادي جريح تاني
وتبقي أفعى في ثواني
خنتي قبلي خنتيني
ونسيتك أنك قتلتيني
نسيتي نفسك
صبحى مطاوع
تعليقات
إرسال تعليق