علقوا الزينة للمبدع الشاعر أشرف محمود
كل سنة وحضراتكم طيبين
" علقوا الزينه "
علقوا الزينه
فرحوا عينينا
والله يا رمضان إشتقنا
والشوق فرحان وسبقنا
لما هليت علينا
علقوا الزينه
فرحوا عينينا
يا ليالي كتير إستنينا
جية رمضان والخير وياه
وف ليله القدر إحنا دعينا
يوم القيامة الله ف عُلاه
هوا إللي عل الصوم يجازينا
علقوا الزينه
فرحوا عينينا
نويت الصوم التلاتين يوم
ولمة حلوة وخير بالكوم
صغيرين وكبار
وعزومه عل الفطار
والمغرب ويا المدفع
فرحان بالصوم فرحان بالصوم
والكون فرحان وياه
يوم القيامة الله ف علاه
هوا إللي عل الصوم يجازينا
علقوا الزينه
فرحوا عينينا
فوانيس ألوان أحمر وأصفر
وصلاه وقرأن أكتر وأكتر
وفطور و سحور
والنور و النور
كتر خيره أكتر وأكتر
ما هو جيه رمضان والخير وياه
يوم القيامة الله ف علاه
هوا إللي عل الصوم يجازينا
علقوا الزينه
فرحوا عينينا
رايح أصلي التراويح
ونسيم بيسابق الريح
يا سلام على شكل الزينه
ف الشارع و المصابيح
ونزور الناس وتجينا
وفقير فرحان بزكاه
يوم القيامة الله ف علاه
هوا إللي عل الصوم يجازينا
علقوا الزينه
فرحوا عينينا
يا مسحراتي يا عم أمين
ليك طبله صوتها ف قلبي حنين
صحي النوم إصحوا يا نايمين
يلا السحور يلا يا صايمين
وانت يا فاطر روح نام
ده إللي ما يصوم رمضان
تلاقيه على طول ندمان
يمشي ويبص وراه
يوم القيامة الله ف علاه
هوا إللي عل الصوم يجازينا
علقوا الزينه
فرحوا عينينا
أشرف محمود ،.
تعليقات
إرسال تعليق