ايووه يابحر للمبدع الشاعر صبحي مطاوع
,,,,,,,,,,,,,,,,,,,,,,,
يابحر فيك العجب
فيك العذاب ألوان
شوفت القلبو انجرح
والملووش اماان
واحد وحبو طرح
وألف واحد خان
حكايات وياما اتحكت
وسمعت بودانك
أحباب وياما اشتكت
ووقفو على بابك
عشاق واتفرقت
من بعد حب ذمان
يابحر موجك نغم
بيحن عل الغلبان
أيووه يابحر
وحشنى حضنك أوى
ساعة الغروب بغروب
يابحر موجك اووى
بيحن على المحبوب
بشوف عينيك برتوى
وبدوب فى حبك دوب
وامواجك المالحه
وشطوتك السارحه
بنيت في قلبى درووب
وانا وحبيبى يادوب
سايبينك البارحه
ياقلب جوا قلوب
أيووه يابحر
فاكر يابحر
لما عينك شافت عينى
كأنك سحر
وأنا قدامك على أرضك
أنا فى عرضك
خدنى جوه خبينى
تداعب خطوتك رجلى
وتلمس ميتك صدرى
تمس القلب
تمسح جرحى تشفينى
وتيجى موجه تضحكلى
تطبع بوسه فى جبينى
تشيلنى فوق تطيرنى
وجوه عينيك بترمينى
تفكرنى كدا بذكرى
كانت على إيدك
وعلى ايدك بتحيينى
خلاص راحت
هنا ماتت
وكنت الشاهد الواعد
بينو وبينى
أيووه يابحر
أنا وليلى وسهدالفكر
وأيام راحت
وعذاب مكتوب على جبينى
وذكرى كانت بتروينى
وأيام جايه
وحب ويه حنيه
خليط ممزوج
على بعضه بيتلخبط
ويجى الليل معاه الفكر
وحب ذمان
وحمد وشكر
وفكر جنان
على بابك وبنخبط
ونتنطط
أيووه يابحر
كتير شوفتك ف احلامى
بعيش جواك وانا حاسس
بكل أمان
منيش خايف ولا شايف
هنا غدرك
أنام واصحى ومشتاقلك
وانا جمبك
ومرتاحلك
وعارف أن الغدر جوانا
بنى الأنسان
وانك يابحر
بهمومنا
واحذانا
وخوفنا جوا احلامنا
وقسوتنا فى بعضينا
والغدر مننا فينا
بقيت مليان
يابحر فيك العجب
فيك العذاب ألوان
أيووه يابحر
صبحى مطاوع
تعليقات
إرسال تعليق