يا ورد للمبدعة الشاعرة راوية حسن

ياورد

&&&&&&&&

والله ياورد واحشنى

بس اللى عنك حايشنى

انى مش عارف اوصلك

او حتى اتواصل مع اهلك

وانى كان نفسى اقولك

ياورد ماتدارى عطرك

كل اللى شافك غاوى قطفك

اداراى ياورد شويه

واتحصن انت مع شوكك

اصل اللى بيحبك غيه

ممكن يتعود على شوفك

اما اللى بيحب بقلبه

يزعله انه يشوفك

لو ايد اتمدت على فله

لو مهما شاف هو كسوفك

يبقى ساعتها من زعله

وده خوفه اكتر من خوفك

ياورد مين يحميك منهم

ويبعد ايديهم عن جوفك

ياما قولتلك خبى عبيرك

وبلاش تعلن شوقك

&&&&&&&&&&&&&

««راوية حسن»»