منسي في القلب للمبدع الشاعر محمد عبد الحميد السيد
مهما السنين تعدي وتفوت
انت يا منسي عايش في قلوبنا مش هتموت
عايش في الجنة سعيد ومبسوط
شايف رجالتك عالحدود واقفين مظبوط
زي ما علمتهم ان الرجولة والشهامه في القلب مش بالسلاح ولا النبوت
كنت بتحلم بالشهادة عمرك ما خفت يوم من الموت
بطولاتك يا منسي علمت العالم كله ان الشهيد عمره ما يموت
بطلنا منسي عمره ما يتنسي ولا يموت
هتفضل اخلاقك وجدعنتك ينضرب بيها المثل
مهما السنين تعدي وتفوت
هنفضل نحكي عن بطولاتك لأولادنا وهيفضل أسمك في قلوبنا محفور ومنحوت
ضحيت بروحك علشان تحمي بلدك وقلت بلدي تعيش حتى لو أنا هموت
كلنا بنحبك يا منسي وبنقولها بنبض قلوبنا و بأعلى صوت
الحكايه ما خلصتش باستشهادك دي حكاية حياة أو موت
لازم أتباع الشيطان يعرفو أننا هنفضل وراهم
وعلى صدورهم هنعدي ونفوت
هنكمل طريقك يا بطل زي ما رسمته وخططته لينا مظبوط
لك مننا مييت مليون تحية وألف دعوة توصل للسماء وتفوت
ربنا يرحمك يا منسي أنت وكل شهيد دافع عن ترابنا وأمننا وحياتنا والقوت
تحيا جمهورية مصرالعربية
بقلمي محمد عبدالحميد السيد
جمهورية مصرالعربية
تعليقات
إرسال تعليق