الجنيه للمبدع الشاعر أمين قاسم

قصيدة الجنيه ،،،،،، ظلم الجنيه الاصيل قاله مقامك كام          تشترى بيا الوهم واحقق الاحلام                                      بيا تعيش مستور ومن غيري عريان                                 ما تسوى شئ من دوني حتى أسأل الايام                        من غيرى تبقى فى جهل وبيا انا العلام                            من غيرى تموت من الجوع وتشترى بيا الحرام                  اما الحلال مجان                                                           ليا تمن فى السوق اما انته تمنك كام                              ظلم الجنيه الاصيل قاله مقامك كام                                بيا تعدى الصعب واحقق الاحلام                                   منى ما بتحرمش واقطع الارحام                                 ممكن اكون حريتك وبردو انا السجان                            ممكن اكون فرحتك وااقلب الاحزان                             ممكن اكون جنتك واقلب عليك بركان                          ممكن كتير انصفك واكون سبب شكوتك                       واحل انا عقدتك    واقلب عليك دنيتك                       واكون انا زلتك فوق واصحى يا غلبان                             ليا تمن فى السوق اما انته تمنك كام                              ظلم الجنيه الاصيل قاله مقامك كام                                 بيا تشيل ذنوب اضعاف وري قدام                                   بيا تدخل جنه وبيا تدخل نار                                          بيا انا تتهنى ومن غيرى تحتار                                        بيا انا تحترم ومن غيرى تتهان                                       بيا انا شبعان ومن غيرى تبقى جعان                             فوق واصحى يا غلبان                                                    ليا تمن فى السوق اما انته تمنك كام                             ظلم الجنيه الاصيل قاله مقامك كام