إحتلال بقلم الشاعر المبدع مجدى صلاح المنصورى
قلم /مجدى صلاح المنصورى
********************
حبك دا بالنسبالى احتلال
و البعد عنك شىء محال
ناس كتير حاولو الدخول
و قلبى عمره ما مره مال
بكل الطرق حاولوا الوصول
بس قلبى رفض الوصال
حاولو مره. اتنين. تلاته
اتمنوا منى اجابة سؤال
بلغتهم الحب مش شحاته
و لا كمان كان كُتر مال
ولا يعرف يعنى ايه شماته
ولا بنت عم ولا بنت خال
و لما شُوفتِك يانور عنيه
بسرعه مسكت قلبى بايديه
قعدت بسرعه فى مكانى
لقيت الدنيا بتلف بيا
أنتى لِيَّه أجمل هديه
جمالك فاق كل الخيال
وبقيتى انتى لحياتى غِيه
البعد عنك شىء مستحال
لو نظرتى فـ نن عينى
في اليمين أو فى الشمال
تلاقى فيهم حب صادق
من غير كلام أو سؤال
خالص تقديرى واحترامى لأرقى المجلات الراقيه
ردحذفكل التقدير والاحترام لكل الكادر الادارى المميز وخالص احترامى لرئيس مجلس ادارتها
ردحذف