ياهل تري للشاعر المبدع علاء عواد
الصبح قاطع النفس ولا عادتشي يهوانا
والليل ماخلصانشي
والفرح عادانا
وشمسنا ضلمه
وحالفه تنسانا
ياهل تري فى الديار
لسه النهار موجود؟
ودي اخرة المشوار
معقول نهايته الدود ؟
طب مين هايسمعني
وأبويا مش موجود؟
طب مين
هايشفيني
لو يوم اقول الاه؟
ومين هيفرحلى
لما البس البدله؟
ومين
هيمسكلى بعروستي فى الزفه
؟
لما السيوف ترقص
من فوق جباه الناس
أدسي خوفي فى مين؟
وادسا ورا ضهره؟
روحت ليه بدري
دانا لسه محتاجك
انا مهما كان عمري وشعري دة شايب
محتاج انا نبضك يسمع حكاويا
يسبح باحساسك
يتحاما م الايام
جوة هنا فى حضنك
يااااااااهل تري فى الديار. لسه النهار موجود؟
ولا ضلام الليل
سكووووووت وبعده سكوت
روحت ليه يابا
سايبي الااامى لمين؟
ومين هيرعي العيال مااقدرش ارعاهم
ماهما شايفيني
شبه الشبح
خاوى
وفاضي من جوة
معقوله هاتسيبيني
وانا ضعفي ذاللنى؟
طب بص اخويا الصغير
بينبش التربة
طب قولى كيف اقنعه
واقوله فى الغربه
وانه لسه ماجاش
طب قولى كيف الدموع
احبسها قدامه؟
معقولة هتسافر
اخر مكان فى الوجود؟
قصدي مكانا اللى سيبته
هاتبدله بالدود
عارفك بتسمعني وتحب توجعني
ف يااااااهل تري فى الديار
لسه،النهار موجود
لسه،النهار موجود؟
تعليقات
إرسال تعليق