ياريت تتعلمى للشاعر المبدع محمد علي فرغلي أحمد
ولساكى عايشه تحلمى
وع الحب والشوق تتكلمى
ورايحه جايه بتسلمى
ولساكى عايشه تحلمى
كنتى حبى ويا قلبى
كنتى كراسى ويا قلمى
تتدلعى عليا وتتغلى
واتاريكى بمشاعرى بتتسلى
واصبر نفسى ومهما اقاسى
وتزيدى المرار كاسى
وعنادك فاق الحد
وبينا اتبنى مليون سد
*****************
ولساكى عايشه تحلمى
وع الحب والشوق تتكلمى
ورايحه جايه بتسلمى
ولساكى عايشه تحلمى
جربى الحب ويا الحيره
جربى النار ويا الغيره
حبيت اللى تستاهلنى
واللى تستاهلنى حبتنى
دورى ع اللى تستاهليه
دورى ع اللى يستاهلك
امتى وازاى وفين تلاقيه
واتسلى واتغلى على مهلك
*****************
ولساكى عايشه تحلمى
ابكى ع اللى راح واتألمى
وياريت م اللى فات تتعلمى
ولساكى عايشه تحلمى
*****************
شعر/محمد على فرغلى احمد
مصر اسيوط ابوتيج نزلة باقور
تعليقات
إرسال تعليق