مع السلامة يا مفارق للمبدعة الشاعرة سماح محمد

#فضفضه بحكم خبرتى بالفيس #لاحظت ــــــــــــــــــــــــ

#لمست أنواع الناس #وإختلافهم برغم التشابه الكبير بينهم #النوع_الاول طول ما أنت متفاعل بتبقى عزيز وصاحب ومع أول غياب

#تاخد_إستمارة_سته

#النوع_التانى طول مابتمضى حضور وانصراف ف الخاص وأنت حبيب وغالى ويوم ماتتجاهل #تاخد_إستمارة_سته بدون ألتماس الاعذار

#النوع_التالت دا بقى عمله نادره أوشك على الانقراض

#النوع_التالت الى بيحس الناس ويلمسها الى بيعيش معاناة الناس من حروف مبعثره ف موقع افتراضي

#النوع_التالت الى بيبكى معاك ويفرح معاك لمجرد ان حروفك لمست روحه

#و_بعد👈انا احد أفراد النوع التالت برغم انى كل سنه بيكون لى حساب جديد لكن قبل ما ألغى القديم بكون جمعت كل من لمس روحى وكسب ثقتى ف الحساب الجديد داوكمان بعرفهم كل مداخلى ومخارجى وبيدخلو بكامل رغبتي وعن قناعه تامه وساعت الخروج بترك لهم الحريه التامه بترك كل الابواب مفتوحه #يليه👇

مع السلامه يامفارق

مابقتش اتأثر بوجودك

ولا حتى غيابك بقى فارق

عايز تروح اتفضل روح

أنا قلبى اصلا بابه مفتوح

لا بيتقفل على أحباب

ولا بيتقفل ورا من غاب

الداخل والخارج واحد

بس المقيم حاجه تانيه

القلب لو كان جاحد

مع المقيم ينسى الدنيا

وبلاش اعذار كدابه

عايش ف نار ولا ف غابه

جمب الحبيب كله يهون

لو الهموم ماليه الكون

ومع السلامه يامفارق

خاطرتى

سماح محمد