لما بتدي الفرصة لحد للشاعر المبدع أحمد صبري
يلعب بيك
ولما بتصغر روحك
جوه عنيك
لما بتبيع نفسك
وماحدش يشتريك
يبقى
الحق عليك
لما تكبر موضوعك
لما تكتر في دموعك
لما تكسر في ضلوعك
ولا حد يحس بيك
واما تصدق تخاريفك
وترمي درعك وسيفك
لو حتى تروح بكيفك
او لو تغمض عينيك
اكيد
الحق عليك
حلوة الحقيقة مافيش كلام
حلوة الناس والدنيا تمام
إنت إللي في زمن الاوهام
لو ماتعلمتش من لياليك
إنت إللي ف الاْخر خسران
وإنت إللي ع الاْخر غلطان
لسه بتدي الناس اْمان
خود شوفت إيه بتديك
................
والحق عليك
الحق عليك
احمد صبري
تعليقات
إرسال تعليق