دمعتين للمبدع الشاعر ايمن شتا

#قلم_ايمن_شتا

#دمعتين

مالك يا نيل... لساك حزين

لساك بتشكي بلأنين

دول دمعتين.. روح من سنين

وانت يا نيل لساك حزين

لساك بتسأل عنها

لساك بتبكي بعدها

طب هي فين وانت فين

هي باعت حب السنين

وانت يا نيل لساك حزين

إياك تكون حنت لها

ولا تجول ارجعلها

ارجع لمين....

دي واحدة باعت حب السنين

ارجع لمين

طب هي فين واحنا فين

وانت يا نيل لساك حزبن

فاكر يا نيل...

فاكر كلامها والوعود

فاكر عشانها أنا جبت عود

كنت بغني باسمها

كنت زمان... بحبها

كنت كتير محتاج لها

وهي خانت وعدها

سمعك تجول ارجعلها

ارجع لمين....

دي واحدة باعت حب السنين

وانت يا نيل لساك حزين

لو كان عليا...

كنت موتك بديا..

بس متهونش عليا..

منت صديجي فوحدتي..

عارف حكايتي وجصتي..

دانت اللي شوفت دمعتي..

لما راح حب السنين

وتجولي ارجع...

ارجع لمين...

دي واحدة خاينة...

خيانتها باينة..

ولا فرصة تانية..

للي تبيع حب السنين..

وانت يا نيل.. لساك حزين

لو عالدموع...

دول دمعتين... كانوا من سنين

...

ايمن شتا