ما تغيرت للمبدع الشاعر حسن رابح حسين رابح
نفس الاحاسيس الزمان
الكان عشانا اتفجرت
ما تغيرت
نفس العواطف والحنين
الفي مسام الروح جرت
ما تغيرت
انا برضي ياني الكت زماااان
بي حبي روحك بدرت
ولسع مستف ليكي ريد
ونفس الظروف ما تغيرت
لا هد حيلي معاك شجن
لا خيل قصايدي اتعترت
ياني الحنين الكان محيط
في عمقو روحك ابحرت
ما تغيرت
لا ضلت الخطوات طريق
لا السكة مني اتودرت
#ابوعلي
20/11/2019القاهرة الجديدة
تعليقات
إرسال تعليق