وحلمت وكان الحلم للمبدع الشاعر بدوي محمد
مرسوم على المية
عمره يدوب بالليل
خايف من الدنيا
من بحرها الواسع
قاسية بلا حنية
مالهوش في حسن الطالع
لا عراف ولا جنية
دا الحلم مولود خايف
قلبه كمان باكي
وكانه كتير عارف
للهم نازل شاكي
شاف عمره بين ايديه
قاسي الزمن عليه
راضي بالمكتوب
راضي يبات مغلوب
بس يعيش إنسان
يعيش في بر أمان
خطى يدوب خطوة
حلمه يوصل شط
هاج البحر مرة
على موجها يتشال ويتحط
نادى على مراكبي
يمكن معاه الحظ
مركبه علم عليه الزمن
تعبان من كتر الوعظ
اتأخر في الوصول
سبق إليه الموت
بدل طوق النجاه
جاب معاه الكفن
ماهو مات مكان مولده
وعلى وش المية اندفن
بدوي محمد
الاثنين ٢٢ فبراير ٢٠٢١
تعليقات
إرسال تعليق