قول علي الدنيا السلام للمبدع الشاعر جمال ذكي عينر
كله عايش بالاوانطه
كله بيلكلك كلام
كله لازم يلوي بقه
لما يبدأ بالكلام
اللي عايش دور صياعه
واللي يتباهى بوضاعه
والكلام بقى فيه خلاعه
كل شيء مابقاش تمام
المؤدب يعني سكه
حتى ناسه منه فكه
والحرامي له الف سكه
كله يضرب له السلام
الشباب أشكالها عكره
اللي عامل فيها عتره
واللي ماشي بادوب بستره
شيء يداري والسلام
البنات لابسه المقطع
واللبان في البق طرقع
والدهان في الوش بقع
ناقصة تربية وعلام
العيال في الناس تبوأ
واللسان تعوج تلوا
اخر الليل تسكر وتروأ
زي ما بتشوف في الافلام
الصعلوك عامل اسطوره
بقى بيمثل بقى في الصوره
وبقت ليه افلام مشهورة
بعد ما كان في الخلا بينام
اللي جاى تفتكره رايح
كله مخلوط كله سايح
كله بيموت في الفضايح
والستر من رب الأنام
القيامه راح تقوم
والخلايق غطه نوم
مش حيفيد لا عتاب ولا لوم
قول على الدنيا السلام
بقلمي الشاعر جمال زكي عينر
تعليقات
إرسال تعليق